Վերջին թարմացում՝ 10 հունիսի, 2026թ.
Բարի գալուստ EasyPay.Fifa — FIFA World Cup 2026 խաղերի կանխատեսման հարթակ։ Հարթակն օգտագործելով՝ դուք հաստատում եք, որ կարդացել, հասկացել և համաձայնում եք սույն կանոնների և պայմանների հետ։
1. Ընդհանուր դրույթներ
EasyPay.Fifa-ն («Հարթակ», «Ծառայություն») տրամադրվում է «EasyPay»-ի կողմից և հանդիսանում է ժամանցային կանխատեսման խաղ։ Հարթակը խաղադրույքների կամ դրամախաղի ծառայություն չէ։ Մասնակցությունն անվճար է, և կանխատեսումները կատարվում են բացառապես ներքին միավորների միջոցով։
2. Մասնակցության պայմաններ
- Մասնակցելու համար անհրաժեշտ է լինել առնվազն 18 տարեկան։
- Մասնակիցը պետք է ունենա նույնականացված easywallet հաշիվ։
- Յուրաքանչյուր օգտատեր կարող է ունենալ միայն մեկ հաշիվ։
«EasyPay» ընկերության և նրա հետ փոխկապակցված ընկերությունների աշխատակիցները, ինչպես նաև նրանց ընտանիքի անդամները, իրավունք չունեն մասնակցելու մրցույթին և հավակնելու մրցանակների։
3. Հաշիվ եվ գրանցում
Հարթակ մուտք գործելու համար օգտագործվում է ձեր easywallet դրամապանակի ինքնության տվյալները։ Դուք պատասխանատու եք ձեր հաշվի անվտանգության և դրա միջոցով կատարված բոլոր գործողությունների համար։ Կեղծ կամ այլ անձի տվյալների օգտագործումն արգելվում է։
4. Կանխատեսումներ եվ միավորների հաշվարկ
- Յուրաքանչյուր խաղի համար մասնակիցը կարող է կանխատեսել հաղթող թիմին և/կամ ճշգրիտ հաշիվը։
- Կանխատեսումները կարող են փոփոխվել մինչև համապատասխան խաղի մեկնարկը։ Մեկնարկից հետո կանխատեսումները փակվում են և այլևս ենթակա չեն փոփոխման։
- Միավորները հաշվարկվում են խաղի պաշտոնական արդյունքի հիման վրա և ավելացվում են ձեր հաշվին արդյունքը հաստատվելուց հետո։
- Միավորների արժեքները ֆիքսվում են կանխատեսման պահին և հետընթաց չեն վերահաշվարկվում։
5. Հատուկ կանխատեսումներ
Մրցաշարի մեկնարկից առաջ հասանելի են հատուկ կանխատեսումներ՝ չեմպիոն երկիրը և լավագույն ռմբարկուն։ Այս կանխատեսումները վերջնականապես փակվում են առաջին խաղի մեկնարկից և այնուհետև փոփոխման ենթակա չեն։
6. Մրցանակներ եվ վարկանիշային աղյուսակ
- Մասնակիցները ճիշտ կանխատեսումների համար վաստակում են միավորներ, որոնք կուտակվում են ողջ մրցաշարի ընթացքում։
- Մրցաշարի ավարտին մասնակիցները դասավորվում են վարկանիշային աղյուսակում՝ ըստ հավաքած ընդհանուր միավորների։
- Մրցանակները բաշխվում են ընդհանուր 6,000,000 դրամի մրցանակային ֆոնդից։
- Մրցանակ ստանում են վարկանիշային աղյուսակի միայն առաջին 1000 մասնակիցները (1-ից 1000-րդ տեղերը)՝ ըստ վաստակած միավորների։ Մրցանակի չափը կախված է մասնակցի զբաղեցրած տեղից։
- Հավասար միավորների դեպքում առավելությունը տրվում է այն մասնակցին, ով ավելի շուտ է հասել տվյալ միավորին։
- Հրավերի հնարավորություն - Մրցաշարի յուրաքանչյուր մասնակից կարող է հրավիրել այլ օգտատերերի: Հրավիրողն իր հաշվին կստանա 10 հավելյալ միավոր այն հրավիրվածների համար, որոնք հարթակում գրանցման ընթացքում ակտիվացնում են հրավիրողի ռեֆերալ կոդը: Այս հնարավորությունից օգտատերը կարող է օգտվել առավելագույնը 3 անգամ՝ վաստակելով ընդհանուր մինչև 30 հավելյալ միավոր:
- Փլեյ-օֆֆ փուլի կանխատեսումներ - թիմի հաղթանակի կանխատեսումը նշանակում է, որ տվյալ թիմն անցնում է հաջորդ փուլ՝ անկախ նրանից, թե հաղթանակը կգրանցվի հիմնական ժամանակում, ավելացված ժամանակում, թե հետխաղյա 11-մետրանոց հարվածաշարի արդյունքում: Խաղի ճշգրիտ հաշիվը կանխատեսելիս հաշվի են առնվում ինչպես հիմնական, այնպես էլ ավելացված ժամանակում խփված բոլոր գոլերը: Հաշվարկի մեջ չեն ներառվում միայն հետխաղյա 11-մետրանոց հարվածները:
- «EasyPay»-ը իրավունք ունի փոփոխելու մրցանակների չափն ու բաշխման կարգը՝ նախապես տեղեկացնելով մասնակիցներին։
7. Արդար խաղ եվ արգելված գործողություններ
- Արգելվում է մի քանի հաշիվների ստեղծումը կամ այլ անձանց անունից մասնակցելը։
- Արգելվում է հարթակի աշխատանքին ավտոմատացված միջոցներով (բոտեր, սկրիպտներ) միջամտելը։
- Խարդախության կամ չարաշահման հայտնաբերման դեպքում «EasyPay»-ն իրավունք ունի արգելափակելու հաշիվը և չեղարկելու վաստակած միավորներն ու մրցանակները։
8. Պատասխանատվության սահմանափակում
«EasyPay»-ը պատասխանատվություն չի կրում խաղերի արդյունքների, երրորդ կողմի տվյալների մատակարարների հնարավոր անճշտությունների, ինչպես նաև տեխնիկական խափանումներից բխող անհարմարությունների համար։
9. Անձնական տվյալների մշակում
Հարթակն օգտագործում է ձեր հաշվի նվազագույն անհրաժեշտ տվյալները՝ ծառայությունը մատուցելու և վարկանիշը ձևավորելու համար։ Տվյալները մշակվում են «EasyPay»-ի գաղտնիության քաղաքականությանը համապատասխան և չեն փոխանցվում երրորդ անձանց՝ բացառությամբ օրենքով նախատեսված դեպքերի։
10. Պայմանների փոփոխություն
«EasyPay»-ն իրավունք ունի ժամանակ առ ժամանակ թարմացնելու սույն կանոնները։ Էական փոփոխությունների դեպքում մասնակիցները կտեղեկացվեն հարթակի միջոցով։ Փոփոխություններից հետո հարթակի օգտագործումը նշանակում է նոր պայմանների ընդունում։
11. Կապ մեզ հետ
Հարցերի դեպքում կարող եք կապվել մեզ հետ՝ info@easypay.am էլհասցեով։
Ներբեռնի՛ր easywallet հավելվածը
Մրցանակային ֆոնդ
Ինչպես է բաշխվում 6,000,000 easycoin-ը՝ 1-ից 1000-րդ տեղերի միջև
| Տեղ | Մրցանակ |
|---|---|
| 1 | 250,000 |
| 2 | 180,000 |
| 3 | 120,000 |
| 4 | 100,000 |
| 5 | 50,000 |
| 6 | 45,000 |
| 7 | 40,000 |
| 8 | 35,000 |
| 9 | 33,000 |
| 10 | 32,000 |
| 11 | 31,000 |
| 12 | 29,000 |
| 13 | 28,000 |
| 14 | 27,000 |
| 15 | 26,000 |
| 16 | 25,000 |
| 17 | 24,000 |
| 18 | 23,000 |
| 19 | 22,000 |
| 20 | 21,500 |
| 21 | 21,000 |
| 22 | 20,500 |
| 23 | 20,000 |
| 24–48 | 15,000 |
| 49–73 | 10,000 |
| 74–98 | 9,000 |
| 99–148 | 8,500 |
| 149–198 | 8,000 |
| 199–248 | 7,500 |
| 249–298 | 7,000 |
| 299–348 | 6,500 |
| 349–398 | 6,000 |
| 399–448 | 5,500 |
| 449–498 | 5,000 |
| 499–548 | 4,500 |
| 549–598 | 4,000 |
| 599–648 | 3,500 |
| 649–698 | 3,000 |
| 699–748 | 2,500 |
| 749–798 | 2,000 |
| 799–823 | 1,700 |
| 824–848 | 1,600 |
| 849–873 | 1,500 |
| 874–898 | 1,400 |
| 899–923 | 1,300 |
| 924–948 | 1,200 |
| 949–973 | 1,100 |
| 974–1000 | 1,000 |
1
2
3
4Նշված գումարը՝ easycoin-ով, յուրաքանչյուր տեղի համար։ «EasyPay»-ը իրավունք ունի փոփոխելու մրցանակների չափն ու բաշխման կարգը (տե՛ս կետ 6)։